హోమ్

గాసిప్స్

బాలకృష్ణ చిత్రానకి యాభై కోట్ల బడ్జెట్ అనేది ఇప్పుడు అంతటా వినిపిస్తున్న హాట్ టాపిక్. అంత బడ్జెట్ పెట్టి చేసే చిత్రము ఏమిటీ అంటే బాలకృష్ణ హీరోగా ఆనాటి సూపర్ హిట్ సైన్స్ ఫిక్షన్ 'ఆదిత్య 369'సీక్వెల్. ఈ రేంజి బడ్జెట్ తో బాలకృష్ణ సినిమా చేయటం అనేది అందరినీ ఆశ్చర్యంలో ముంచెత్తుతోంది. అయితే గ్రాఫిక్స్ కు, సెట్స్ కు ఆ రేంజి తప్పదని అంటున్నారు. గత కాలానికి వెళ్లటం, అలాగే భవిష్యత్ ని చూపటం వంటివి ఈ సారి కూడా చేయనున్నారు. టైమ్ మెషిన్ నేపద్యంలో రూపొందే ఈ చిత్రం తప్పకుండా పిల్లలని,పెద్దలను టార్గెట్ చేస్తూ అలరిస్తుందని భావిస్తున్నారు.

ఇక ఈ సినిమాని సింగీతం శ్రీనివాసరావు మరియు వినోద్ కలిసి నిర్మించనున్నారు. కొండ కృష్ణం రాజు ఈ సినిమాని సమర్పించనున్నారు. ఈ సంవత్సరం ఆగష్టు నుండి ఈ సినిమా ప్రారంభం కానున్నట్లు తెలుస్తోంది. అలాగే ఈ సినిమాలో హీరోయిన్ గా అనూష్కని ఎంపిక చేసినట్లు సమాచారం. సింగీతం శ్రీనివాసరావు దర్శకత్వంలో తెరకెక్కిన 'ఆదిత్య 369' చిత్రం హాలీవుడ్ స్థాయి కథాంశంతో అలనాడే తెలుగు పరిక్షిశమలో సరికొత్త ట్రెండ్ క్రియేట్ చేసింది.

ఈ చిత్రానికి సంబంధించిన అధికారిక ప్రకటన బాలకృష్ణ జన్మదినమైన జూన్ 10న వెలువడనున్నట్లు సినీ వర్గాల సమాచారం. 1991లో విడుదలైన 'ఆదిత్య 369' విమర్శకులు ప్రశంసలతో పాటు కమర్షియల్‌గా భారీ విజయాన్ని సాధించి బాలకృష్ణ కెరీర్‌లో ఓ మైలురాయిలా నిలిచిపోయింది. ముఖ్యంగా శ్రీకృష్ణదేవరాయగా బాలకృష్ణ అద్భుతాభినయం ప్రేక్షకుల్ని మంత్రముగ్ధుల్ని చేసింది. ఇళయరాజా స్వరకల్పనలోని పాటలన్నీ బహూళ ప్రజాదరణ పొందాయి.

ప్రస్తుతం బాలకృష్ణ తన అధినాయకుడు చిత్రం కోసం వెయిట్ చేస్తున్నారు. వచ్చే నెల ఒకటవ తేదీన విడుదల అయ్యే ఈ చిత్రంపై మంచి అంచనాలే ఉన్నాయి. బాలకృష్ణ త్రిపాత్రాభినయం చేసిన ఈ చిత్రాన్ని ఎమ్.ఎల్ కుమార్ చౌదరి నిర్మిస్తున్నారు. అనేకమైన ఫైనాన్సియల్ క్రైసిస్ మధ్య ఈ భారీ చిత్రం విడుదల తేదీని ప్రకటించారు. పరుచూరి మురళి దర్సకత్వం వహిస్తున్న ఈ చిత్రం యాక్షన్ తో కూడిన పొలిటకల్ ధిల్లర్ గా సాగుతుందని చెప్తున్నారు.