Englishবাংলাગુજરાતીहिन्दीಕನ್ನಡമലയാളംதமிழ்

రూమర్స్ కి చెక్: 'గబ్బర్‌ సింగ్‌ 2' లాంచ్ డేట్ ఫైనల్

Posted by:
Published: Sunday, November 3, 2013, 14:08 [IST]
 

హైదరాబాద్: పవన్ కళ్యాణ్ హీరోగా 'గబ్బర్‌ సింగ్‌ ' చిత్రానికి ఫ్రాంచైజీ సినిమాగా... 'గబ్బర్‌ సింగ్‌ 2' చిత్రం తెరకెక్కనుందనే సంగతి తెలిసిందే. అయితే ఈ చిత్రం దర్శకుడు మారాడని, సినిమా ప్రారంభమవటానికి చాలా కాలం పడుతుందని,రకరకాల రూమర్స్ వచ్చాయి. కానీ ఈ చిత్రం అదే దర్శకుడు సంపత్ నందితో పట్టాలు ఎక్కుతోంది. ఈ చిత్రం అఫీషియల్ లాంచ్ డిసెంబర్ 28 అని విశ్వసనీయ సమాచారం. వెన్యూ ఎక్కడనేది ఫైనలైజ్ కాలేదు.

'నాక్కొంచెం తిక్కుంది...' అంటూ గబ్బర్‌ సింగ్‌గా పవన్‌ కల్యాణ్‌ చేసిన సందడి ప్రేక్షకుల్ని ఆకట్టుకొంది. ఇప్పుడు 'గబ్బర్‌ సింగ్‌'కి రెండో భాగం రూపుదిద్దుకోబోతోంది. పవన్‌కల్యాణ్‌ క్రియేటివ్‌ వర్క్స్‌ సంస్థ ఈ చిత్రాన్ని నిర్మించబోతోంది. సంపత్‌ నంది దర్శకత్వం వహిస్తారు.

గబ్బర్ సింగ్-2 చిత్రాన్ని పవన్ స్నేహితుడు శరత్ మరార్ నిర్మిస్తున్నారు. తొలిసారి సినీ నిర్మాణ రంగంలోకి అడుగు పెడుతున్న తన స్నేహితుడికి మేలు జరుగాలనే ఉద్దేశ్యంతోనే పవన్ ఈ నిర్ణయం తీసుకున్నారనే వాదన కూడా ఉంది. ఏది ఏమైనా ఈ ఫార్ములా బాగా వర్కౌట్ అయితే భవిష్యత్‌లో పవర్ స్టార్ ఇదే స్ట్రాటజీని ఫాలో అయ్యే అవకాశం ఉంది.

ఇక ఇప్పటికే సంపత్‌ స్క్రిప్టు పనులు పూర్తి చేసి సెట్స్‌కెళ్లడానికి రెడీ అయ్యాడు. అయితే టైటిల్‌ కన్ఫ్యూజన్‌ తేలటం లేదు. ఆయన ఫ్యాన్స్,సన్నిహితులు చాలా మంది గబ్బర్ సింగ్ పెడితేనే ఆ క్రేజ్ ఉంటుందని చెప్తున్నారు. దాంతో పవన్‌ ....‘గబ్బర్‌సింగ్‌' టైటిల్ ని ‘షోలే' నిర్మాతల నుంచి కొనేయడానికి రెడీ అయిపోయాడని చెప్తున్నారు. భారీ మొత్తం చెల్లించి అయినా కాపీరైట్‌ హక్కుల్ని తీసుకోవాలని నిర్ణయించినట్టు ఓ సమాచారం.

గతంలో ‘బెంగాళ్‌ టైగర్‌', ‘పవన్‌కళ్యాణ్‌ గబ్బర్‌సింగ్‌2' అనే టైటిల్స్‌ పరిశీలిస్తున్నారని వార్తలొచ్చాయి. ఇక అవన్నీ లేనట్టే. ‘గబ్బర్‌సింగ్‌-2' ఫైనల్‌ అయినట్టే. ఇక పవన్ కళ్యాణ్ మల్టి టాలెంటెడ్ అనే సంగతి తెలిసిందే. 24 క్రాప్ట్ లను సమర్ధవంతంగా నిర్వర్తించగల ఆయన త్వరలో తను హీరోగా చేసే చిత్రానికి స్క్రీన్ ప్లే రాస్తున్నాడని సమాచారం.

English summary
Pawan Kalyan film ‘Gabbar Singh 2’ is in news from long time. The film makers have finally decided to launch the film on Dec 28th. The venue for this event is not yet finalized and Director Sampath Nandi has earlier clarified that the film is not a sequel to ‘Gabbar Singh’. Devi Sri Prasad will compose tunes for ‘Gabbar Singh 2’. Sarath Marar is producing the film on North Star Entertainment P Ltd.
మీ వ్యాఖ్య రాయండి

Please read our comments policy before posting

Click here to type in Telugu
Subscribe Newsletter
Coupons
My Place My Voice