హోమ్

గాసిప్స్

హైదరాబాద్ : పోకిరి చిత్రంలో మహేష్ బాబు లుంగీ డాన్స్ తో అదరకొట్టిన సంగతి ఫ్యాన్స్ కు గుర్తుండే ఉంటుంది. ఇప్పుడు మళ్లీ అలాంటి ఫీట్ చేయబోతున్నట్లు సమాచారం. మహేష్ హీరోగా శ్రీనువైట్ల దర్శకత్వంలో రూపొందుతున్న చిత్రం 'ఆగడు' కోసం ఆయన ఈ లుంగీ డాన్స్ ని చేస్తున్నట్లు తెలుస్తోంది. అది ఐటం సాంగ్ లో ఉండబోతోందని అంటున్నారు. శ్రుతిహాసన్ చేసిన ఈ ఐటం సాంగ్ లో సోనూ సూద్ కూడా డాన్స్ చేస్తారు. ఇలా ఓ ప్రక్క మహేష్ లుంగీ డాన్స్, మరో ప్రక్క శ్రుతి హాసన్ హాట్ స్టెప్స్, సోనూ సూద్ ఫన్నీ మూవ్ మెంట్స్ తో కలిసి ఈ పాటని రామోజీ ఫిల్మ్ సిటీలో ఓ రేంజిలో తీసారని చెప్పుకుంటున్నారు.

ఇక కృష్ణ జన్మదినోత్సవం సందర్భంగా చిత్ర బృందం టీజర్‌ను విడుదల చేసింది. ఈ టీజర్ కి వచ్చిన రెస్పాన్స్ కు మహేష్ బాబు చాలా సంతోషంగా ఉన్నారు. 14 రీల్స్‌ పతాకంపై రామ్‌ ఆచంట, గోపీచంద్‌ ఆచంట, అనిల్‌ సుంకర నిర్మిస్తున్న ఈ చిత్రంలో తమన్నా హీరోయిన్ గా నటిస్తోంది. తమన్‌ స్వరాలందిస్తున్నారు.

'ఆగడు' టీజర్‌ లో మహేష్‌ పలికిన సంభాషణలు అభిమానుల్లో కొత్త ఉత్సాహం నింపాయి. ''సినిమాల ప్రభావం జనాలమీద ఎంతుందో తెలియదుగానీ, పంచ్‌ డైలాగుల ప్రభావం గట్టిగా ఉంది..'' అంటూ పంచ్‌లపై ఓ పంచ్‌ వేశారు. ''ప్రతివోడూ పులులు, సింహాలు, ఏనుగులు, ఎలుకలంటూ ఎదవ కంపేరిజన్‌లు, ఒళ్లు వులపరం వచ్చేస్తోంది..'' అంటూ ఇంకోటి. మొత్తానికి టీజర్‌ మొత్తం హుషారుగా సాగిపోయింది.

పంచ్‌ డైలాగు లేకపోతే.. టీజర్‌, ట్రైలర్‌ పూర్తవడం లేదు. ఆఖరి పంచ్‌ హీరోదైతే ఆ కిక్కే వేరుగా ఉంటుందని సినీ జనాలకు అర్థమయ్యింది. అందుకే పంచ్‌లు పేలుతున్నాయి. అయితే మహేష్‌బాబు మాత్రం పంచ్‌లపైనే పంచ్‌ వేసేశాడు. 'ఆగడు' టీజర్‌లో. మహేష్‌బాబు, శ్రీనువైట్ల కలయికలో రూపుదిద్దుకొంటున్న చిత్రం 'ఆగడు'. తమన్నా కథానాయిక. 14 రీల్స్‌ ఎంటర్‌టైన్‌మెంట్‌ పతాకంపై రామ్‌ ఆచంట, గోపీచంద్‌ ఆచంట, అనిల్‌ సుంకర నిర్మిస్తున్నారు.