మహేష్- UTV డీల్ కాన్సిల్ కారణం

Gossips

oi-Surya

By Surya Prakash Josyula

| Published: Thursday, April 10, 2014, 9:30 [IST]

హైదరాబాద్: మహేష్ బాబు హీరోగా కొరటాల శివ దర్శకత్వంలో రూపొందే చిత్రానికి UTV మోషన్ పిక్చర్స్ వారు నిర్మాతలనే వార్తలు వచ్చిన సంగతి తెలిసిందే. UTV వారు సైతం అఫీషియల్ స్టేట్ మెంట్ ఇచ్చి త్వరలో ప్రాజెక్టు ప్రారంభమవుతుందనుకున్న సమయంలో నిర్మాతలు మారిపోయారు. UTV వారితో మహేష్ డీల్ కాన్సిల్ చేసుకున్నట్లు సమాచారం. UTV ప్రొడక్షన్ హౌస్ వారు చాలా కండీషన్స్,క్లాస్ లు ఎగ్రిమెంట్ లో పెట్టడంతో విసుగెత్తిన మహేష్..డీల్ వద్దనుకున్నాడని ఫిల్మ్ సర్కిల్స్ లో వినపడుతోంది.

కార్పోరేట్ సంస్ధలతో డీల్స్ అనేసరికి రకరకాల లెక్కలు, క్లాస్ లు ఉంటాయని, అవి సహజమని అంటున్నారు. రెగ్యులర్ గా ఇండిడ్యువల్ ప్రొడ్యూసర్స్ కు అలవాటుపడిన మన హీరోలు అన్ని కండీషన్స్ భరించాల్సిన అవసరం లేదని భావిస్తున్నారని, తమ డిమాండ్ మేరకే నిర్మాతలు వస్తున్నారు కాబట్టి వారు డిమాండ్ చేస్తూ కండీషన్స్ పెట్టకూడదని అంటున్నారు. అందుకే తెలుగు చిత్ర పరిశ్రమలో కార్పోరేట్ కల్చర్ పెద్దగా రాలేకపోతోందని అంటున్నారు.

ఇక ఈ ప్రాజెక్టుని మైత్రి మూవిస్ వారు నిర్మించనున్నారని ఫిల్మ్ నగర్ సమాచారం. మైత్రీ మూవీస్ వారు యుఎస్ బేస్ ఉన్న ఎన్నారై గ్రూప్. వారు రీసెంట్ గా ఓవర్ సీస్ లో రెండు పెద్ద చిత్రాలను పంపిణీ చేసారు. అయితే ఈ విషయమై అఫీషియల్ గా ప్రకటన ఏమీ లేదు.

మరో ప్రక్క 'ఆగడు' సినిమా చిత్రీకరణలో బిజీగా ఉన్నారు మహేష్‌బాబు. అయితే మే నాటికి చిత్రంలో మేజర్ పోర్షన్స్ షూటింగ్ ఫినిష్ అవనున్నాయి. మే లో కేవలం కొద్ది రోజులు మాత్రమే ఆగడుకు కేటాయిస్తాడని,మిగతా డేట్స్ కొరటాల శివ వే అని తెలుస్తోంది. ఈ చిత్రంలో హీరోయిన్ గా శృతి హాసన్ ని ఫైనల్ చేసినట్లు సమాచారం.