Don't Miss!
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- News ఘోర ప్రమాదం: లారీని ఢీకొనడంతో చిన్నారి సహా ఆరుగురు మృతి
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
Alia Bhatt : వివాదంలో కన్యాదాన్ ..మొన్న కంగనా ఇప్పుడు రంగరాజన్.. నీతులు చెప్పొద్దు అంటూ!
బాలీవుడ్ నటి అలియా భట్ ఇప్పుడు అనుకోకుండా వివాదంలో చిక్కుకుంది. వాస్తవానికి, ఆమె ఒక బ్రాండ్ దుస్తులలో కనిపిస్తూ దానిని ప్రమోట్ చేస్తూ కన్యాదాన్ను ప్రశ్నిస్తోంది. అలియా భట్ యొక్క ఈ ప్రకటనను ప్రజలు ఇష్టపడుతున్నారు కానీ అదే సమయంలో, సోషల్ మీడియా వినియోగదారులందరూ ఈ విషయం మీద మండి పడుతున్నారు. తాజాగా ఈ విషయం మీద చిలుకూరు బాలాజీ టెంపుల్ ప్రధాన పూజారి సంచలన వ్యాఖ్యలు చేశారు. ఆ వివరాల్లోకి వెళితే
కన్యాదాన్ కాదు కన్యామన్
ఇటీవల, బట్టల బ్రాండ్ మన్యవర్ ఒక ప్రకటనను విడుదల చేసింది, దీనిలో కన్యాదాన్కు బదులుగా కన్యామాన్ (#KanyaMaan) గురించి ప్రస్తావించారు. ఈ కారణంగా, సోషల్ మీడియా ట్విట్టర్లో మన్యావర్ ను బహిష్కరించాలనే ప్రచారం ప్రారంభమైంది. మన్యవర్ మోహే కలెక్షన్ కింద విడుదల చేసిన ఈ ప్రకటనపై చాలా మంది అభ్యంతరం వ్యక్తం చేస్తున్నారు.
చిక్కుల్లో అలియా
మన్యవర్ బాలీవుడ్ నటి అలియా భట్ తో ఈ ప్రకటన చేయించింది. ఈ ప్రకటనలో, అలియా భట్ ఒక పెళ్లి కూతురిగా కనిపించగా ఫ్యామిలీ తనను ఎంతగానో ప్రేమించిందని చెప్తూనే 'నేనేమైనా వస్తువునా దానం చేయడానికి! కన్యాదానమే ఎందుకు?' అని ప్రశ్నిస్తూ ఇప్పటినుంచి దీన్ని కన్యామాన్(గౌరవంతో పంపించడం)గా మార్చుదాం.. అని చెప్పుకొచ్చింది. అయితే మహిళలకు గౌరవం ఇవ్వాలని చెప్పడం ఆమె ఉద్దేశం కాగా ఈ ప్రకటన చాలా మందికి నచ్చలేదు.
మన్యవర్ బ్రాండ్
మన్యవర్ యొక్క ఈ ప్రకటనను సోషల్ మీడియాలో చాలా మంది వ్యతిరేకిస్తున్నారు. మన్యవర్ బ్రాండ్ మాత్రమే కాగా అలియా భట్ కూడా దాడిని ఎదుర్కోవాల్సి వస్తోంది. దర్శకుడు అభిషేక్ వర్మన్ డైరెక్ట్ చేసిన ఈ యాడ్ రిలీజైనప్పటి నుంచి తీవ్ర విమర్శలు ఎదుర్కొంటోంది. ఈ విషయం మీద ఒంటికాలిపై లేచిన కంగనా రనౌత్. హిందూ వివాహాల్లో ప్రధాన ఆచారమైన కన్యాదానాన్ని కన్యామాన్గా మార్చుదాం అని పిలుపునివ్వడాన్ని తీవ్రంగా తప్పుపట్టింది. ఈమేరకు ఇన్స్టాగ్రామ్లో ఆమె స్పందించింది.
పుత్ర దానం
'దేశ సరిహద్దులో జవాన్ చనిపోతే ఆ అమరవీరుడి తండ్రి.. చింతించకండి, నాకు ఇంకో కుమారుడు ఉన్నాడు. అతడిని దేశ రక్షణ కోసం దానం చేస్తాను, అది కన్యాదానం అయినా 'పుత్ర దానం' అయినా సరే! అంటూ గొప్పగా మాట్లాడే మాటలను మనం తరచూ టీవీలో చూస్తూనే ఉన్నాం అని పరిత్యాగం, దానం అనేది గొప్ప విషయం. కానీ ఎప్పుడైతే ఈ దానాన్ని సమాజం చిన్నచూపు చూస్తుందో అప్పుడు రామరాజ్య స్థాపనకు సమయం ఆసన్నమైందని గుర్తించాలని చెప్పుకొచ్చింది.
రంగరాజన్ ఆగ్రహం
హిందువులను, హిందూ ఆచారాలు కించపరచడం ఇకనైనా ఆపండి. గ్రంథాల్లో భూదేవి, స్త్రీ ఇద్దరినీ దైవంగానే పూజిస్తారు. వారిని శక్తికి మూలంగా చూడటంలో తప్పు లేదు' అని ఆమె రాసుకొచ్చింది. చిలుకూరు బాలాజీ దేవాలయం ప్రధాన పూజారి రంగరాజన్, కూడా బాలీవుడ్ నటి మరియు ఆమెతో ప్రకటన సృష్టించిన కంపెనీపై కూడా ఆగ్రహం వ్యక్తం చేశారు.
Recommended Video
నీతులు చెప్పక్కర్లేదు
తాను విడుదల చేసిన వీడియో సందేశంలో, ఒక ప్రకటన ఏజెన్సీ వచ్చి హిందువులకు కన్యాదాన్ గురించి నీతులు చెప్పడం హాస్యాస్పదంగా ఉందని ఆయన అన్నారు. భారతీయ సంస్కృతి మరియు నాగరికత వేలాది సంవత్సరాలుగా కొనసాగుతున్నాయి. వధువును మహాలక్ష్మి స్వరూపంగా భావించే సంప్రదాయం మన దేశంలో ఉందని ఆయన గుర్తు చేశారు. కన్య దాన్ను తప్పుదోవ పట్టించేలా రూపొందించిన ఈ ప్రకటనను వెంటనే ఉపసంహరించుకోవాలని రంగరాజన్ డిమాండ్ చేశారు.