Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
బంగార్రాజు సిద్ధమయ్యాడు.. ఆ ఒక్క కన్ఫ్యూజన్ కూడా క్లియర్ అయినట్లే..
అక్కినేని నాగార్జున నాగ చైతన్య కలిసి నటించిన రెండవ సినిమా బంగార్రాజు పై అంచనాలు భారీగానే ఉన్నాయి. ఈ అక్కినేని మల్టీస్టారర్ సినిమా సోగ్గాడే చిన్నినాయన సినిమా కు కొనసాగింపు గా వస్తున్న విషయం తెలిసిందే. తప్పకుండా ఈ సినిమా బాక్సాఫీస్ వద్ద మంచి కలెక్షన్స్ అందుకుంటుంది అని నాగార్జున కాన్ఫిడెంట్ గా ఉన్నాడు. అక్కినేని అన్నపూర్ణ స్టూడియో తో పాటు జీ స్టూడియోస్ కూడా ఈ సినిమాను సంయుక్తంగా నిర్మిస్తుంది. దర్శకుడు కళ్యాణ్ కృష్ణ ఈ సినిమా కోసం చాలా హార్డ్ వర్క్ చేస్తున్నాడు. కేవలం స్క్రిప్ట్ కోసం అతను రెండేళ్లపాటు చాలా కష్టపడ్డాడు.
అంతేకాకుండా సినిమా సెట్స్ పైకి వచ్చిన తర్వాత చాలా వేగంగా ఫినిష్ చేసేందుకు కూడా పర్ఫెక్ట్ ప్లాన్ ముందుకు సాగుతూ వచ్చాడు. ఇక సినిమాను మొదట జనవరిలో సంక్రాంతి కానుకగా విడుదల చేయాలని ప్రణాళికలు రచించారు. కానీ పెద్ద సినిమాలు కూడా ఈ బాక్స్ ఆఫీస్ వద్ద పోటీకి దిగుతున్నట్లు తెలియడంతో కొంత వేచి చూడాల్సిన అవసరం ఉంది అని అనుకున్నారు. అయితే తప్పకుండా ఏదో ఒక స్లాట్ దొరుకుతుంది అని ముందుగానే నిర్ణయం తీసుకోకుండా అభిమానుల్లో కొంత కన్ఫ్యూజన్ అయితే క్రియేట్ చేశారు.
ఇక మొత్తానికి ఆ కన్ఫ్యూజ్ కు న్యూ ఇయర్ సందర్భంగా క్లారిటీ ఇవ్వబోతున్నట్లు తెలుస్తోంది. జనవరి ఒకటవ తేదీన ఉదయం 11:22 నిమిషాలకు సినిమాకు సంబంధించిన టీజర్ ను విడుదల చేయాలని అనుకుంటున్నారు. అందుకు సంబంధించిన ప్రత్యేకమైన పోస్టర్ కూడా విడుదల చేశారు. సినిమా టీజర్ ను విడుదల చేస్తూనే అందులోనే సినిమా విడుదల తేదీపై కూడా క్లారిటీ ఇవ్వాలని అనుకుంటున్నారు. ప్రస్తుతం సంక్రాంతి పోటీలో అయితే RRR సినిమా తో పాటు రాధేశ్యామ్ సినిమా కూడా ఉంది. ఇక మధ్యలో ఎవరు ఉండకూడదు అని నిర్మాతలు నిర్ణయించడంతో భీమ్లా నాయక్ సినిమా అయితే వాయిదా పడింది.
జనవరి 7వ తేదీన RRR వస్తుండగా జనవరి 14 వ తేదీన రాధేశ్యామ్ సినిమా విడుదలవుతోంది. ఇక ఈ రెండింటి మధ్యలో కాకుండా జనవరి 16 వ తేదీన బంగార్రాజు ని విడుదల చేయాలని ఆలోచిస్తున్నారు. మరి ప్రస్తుతం కొనసాగుతున్న టాక్ ఎంతవరకు నిజమో తెలియాలంటే రేపటి వరకు ఎదురుచూడాల్సిందే. ఇక అందరి కంటే ముందుగా సంక్రాంతి పోటీలో నుంచి మహేష్ బాబు సినిమా కూడా తప్పుకున్న విషయం తెలిసిందే. పరశురామ్ దర్శకత్వంలో తెరకెక్కుతున్న సర్కారు వారి పాట సినిమాను మొదట్లో సంక్రాంతి కి విడుదల చేయాలని అనుకున్నారు. కానీ దర్శకుడు రాజమౌళి అలాగే మరికొంతమంది డిస్ట్రిబ్యూటర్ లు మహేష్ బాబును కలిసి ప్రత్యేకంగా మాట్లాడడంతో ఆ స్టార్ హీరో వెంటనే తేదీని మార్చుకున్నాడు. ఇక సర్కారు వారి పాట సినిమా ఏప్రిల్ 1వ తేదీన సమ్మర్ కానుకగా ప్రేక్షకుల ముందుకు రాబోతోంది. మైత్రి మూవీ మేకర్స్ నిర్మిస్తున్న ఈ సినిమాకు తమన్ సంగీతం అందిస్తున్న విషయం తెలిసిందే.