The Legend టోటల్ కలెక్షన్లు.. 65 కోట్లతో మూవీ.. చివరకు ఎంత నష్టమంటే?

66 కోట్ల బ్రేక్ ఈవెన్ లక్ష్యంతో

ది లెజెండ్ సినిమా బ్రేక్ ఈవెన్ సాధించాలంటే కనీసం 66 కోట్లు రాబట్టాలి. కానీ ఎట్టి పరిస్థితుల్లోను ఈ సినిమా లాభాల్లోకి వచ్చే పరిస్థితి కనిపించలేదు. దాంతో ది లెజెండ్ ఏ ఏడాది భారీ నష్టాల్లో మిగిల్చిన సినిమాగా నమోదయ్యే అవకాశాలు మొదటి రోజు నుంచే కనిపించింది.

తొలి రెండు రోజుల్లో

దక్షిణాది సినిమా పరిశ్రమ ట్రేడ్ వర్గాల సమాచారం ప్రకారం.. తొలి రోజున ఈ చిత్రం 1.2 కోట్లు రాబట్టింది. తమిళంలో 1.1 కోట్లు, తెలుగులో 10 లక్షల రూపాయలు వసూళ్లను నమోదు చేసింది. ఇక రెండో రోజు ఈ చిత్రం 63 లక్షలు రాబట్టింది. తమిళంలో 59 లక్షలు, తెలుగులో 4 లక్షల రూపాయలను వసూలు చేసింది.

Recommended Video

బాక్స్ ఆఫీస్ యుద్ధం లో బింబిసారుడు గెలిచాడా లేదా *Reviews | Telugu OneIndia

మూడు, నాలుగు రోజుల్లో ఫర్వాలేదంటూ

ది లెజెండ్ సినిమా మూడో రోజుకు అక్యుపెన్సీ భారీగా డ్రాప్ అయింది. బాక్సాఫీస్ వద్ద తిరిగి కోలేకోలేని పరిస్థితుల్లో మూడో రోజు 84 లక్షలు సాధించింది. తమిళంలో 81 లక్షలలు, తెలుగులో 3 లక్షలు వసూలు చేసింది. ఇక నాలుగో రోజున ఈ చిత్రం 88 లక్షలు రాబట్టింది. తమిళంలో 85 లక్షలు, తెలుగులో 3 లక్షలు వసూలు చేసింది.

నాలుగు రోజు నుంచి దారుణంగా

ది లెజెండ్ చిత్రం 5 రోజున దారుణంగా పడిపోయింది. తమిళంలో 38 లక్షలు, తెలుగులో 2 లక్షలతో మొత్తంగా 40 లక్షల గ్రాస్ వసూలు చేసింది. ఆరో రోజున 37 లక్షలు, ఏడో రోజున 41 లక్షలతో మొత్తంగా ఈ చిత్రం 4.73 కోట్ల గ్రాస్ వసూళ్లను రాబట్టింది. షేర్ విషయానికి వస్తే.. ఈ చిత్రం 2 కోట్లకుపైగా షేర్ సాధించింది.

ది లెజెండ్ మూవీ నష్టం ఎంతంటే?

ది లెజెండ్ చిత్రం 2022లో భారీ నష్టాలకు గురైన చిత్రంగా రికార్డును నమోదు చేసింది. 65 కోట్ల బడ్జెట్‌తో తెరకెక్కిస్తే.. ఈ సినిమా సుమారు మూడు కోట్లు కూడా రాబట్టలేకపోయింది. దాంతో ఈ చిత్రం 62 కోట్లకుపైగా నష్టాల్ని బాక్సాఫీస్ వద్ద చవిచూసింది.