Englishবাংলাગુજરાતીहिन्दीಕನ್ನಡമലയാളംதமிழ்
 
Share This Story

‘అలియాస్ జానకి’ సెన్సర్ రిపోర్ట్, మెగా సపోర్ట్

Posted by:
Published: Tuesday, July 16, 2013, 18:33 [IST]

‘అలియాస్ జానకి’ సెన్సర్ రిపోర్ట్, మెగా సపోర్ట్
 

హైదరాబాద్ : అలియాస్ జానకి చిత్రం సెన్సార్ కార్యక్రమాలను పూర్తి చేసుకుంది. మెగాస్టార్ చిరంజీవి తర్వాత ఆయన ఫ్యామిలీ నుంచి దాదాపు అరడజను మంది హీరోగా తెరంగ్రేటం చేసిన సంగతి తెలిసిందే. తాజాగా మెగా ఫ్యామిలీ నుంచి మరో హీరో వెండి తెరకు పరిచయం కాబోతున్నారు. చిరంజీవి మేనమామ కొడుకు అయిన వెంకట్ రాహుల్ ‘అలియాస్ జానకి' చిత్రం ద్వారా హీరోగా పరిచయం కాబోతున్నారు.

తాజాగా ఈచిత్రం సెన్సార్ కార్యక్రమాలను పూర్తి చేసుకుంది. సెన్సార్ బోర్డు సభ్యులు ఈచిత్రానికి U/A సర్టిఫికెట్ జారీ చేసారు. ఈ చిత్రాన్ని జులై 26న విడుదల చేసేందుకు సన్నాహాలు చేస్తున్నారు. వెంకట్ రాహుల్, అనీషా అంబ్రోస్, శ్రీ రమ్య కీలక పాత్రల్లో నటించిన చిత్రం 'అలియాస్ జానకి'. సంఘమిత్ర ఆర్ట్స్ నిర్మిస్తోంది. తారా అరుళ్‌రాజ్ సమర్పకుడు. నీలిమ తిరుమలశెట్టి నిర్మాత. దయా.కె. దర్శకుడు.

మెగా రిలేషన్ ఉండటంతో ఈచిత్రానికి అభిమానుల నుంచి మెగా సపోర్ట్ లభిస్తోంది. ఇటీవల చిరంజీవి తల్లి అంజనాదేవితో ఆ చిత్రం ఆడియో సీడీలు విడుదల చేయించారు. ఈ సందర్భంగా నాగబాబు మాట్లాడుతూ...‘రాహుల్ మా మేనమామ కొడుకే. ఈ చిత్రం కథను తనే తయారు చేసుకున్నాడు. ఎంతో కష్టపడి ఈ సినిమా చేసాడు. ఇందులో అతనికి తండ్రిగా నటించాను' అని వెల్లడించారు. పవన్ కళ్యాణ్ ఇచ్చిన సలహాతోనే చిన్న సినిమాలు చేస్తున్నానని నిర్మాత నీలిమ తిరుమలశెట్టి అంటున్నారు.

నాగబాబు, తనికెళ్ల భరణి, శివ నారాయణ, భరణి శంకర్, శత్రు, వంశీ రెడ్డి, రమేష్ వేంపల్లి, మీనా కుమారి తదితరులు ఇతర ముఖ్య తారాగణం. ఈ చిత్రానికి సంగీతం: శ్రావణ్, కెమెరా: సుజిత్ సారంగ్, ఎడిటర్: శ్రీజిత్ సారంగ్, ఆర్ట్: హరి వర్మ, నృత్యాలు: దయా.కె, వంశీ కాట్రోజు, యాక్షన్: దయా.కె., సుజిత్ సారంగ్, మాటలు: వంశీ కృష్ణ గద్వాల, వశిష్ట శర్మ, అర్జున్, సుమన్ చిక్కల, స్క్రీన్‌ప్లే-దర్శకత్వం: దయా.కె., సహ నిర్మాత: విక్రమ్.ఎస్.

నాణ్యమైన వార్తలను అందిస్తున్న వన్ఇండియా... ఇప్పుడు మీకోసం ఫేస్‌బుక్, ట్విట్టర్‌ ల ద్వారా మరిన్ని అప్‌డేట్స్
Topics: pawan kalyan, alias janaki, rahul venkat, chiranjeevi, ram charan teja, అలియాస్ జానకి, పవన్ కళ్యాణ్, రాహుల్ వెంకట్, చిరంజీవి, రామ్ చరణ్ తేజ్, అల్లు అర్జున్
English summary
Alias Janaki movie has been awarded a U/A by the censor board. Venkat Rahul, who is related to Megastar Chiranjeevi, and Anisha Ambrose have played the lead roles in the movie. Dayaa is the director and Neelima Tirumalasetty is the producer of this movie.
మీ వ్యాఖ్య రాయండి

Please read our comments policy before posting

Click here to type in Telugu
Subscribe Newsletter
Coupons
My Place My Voice