Don't Miss!
- Finance Stock Market Close: భారీ లాభాల్లో ముగిసిన స్టాక్ మార్కెట్లు..
- Lifestyle హడలెత్తిస్తున్నBird Flu పాలు, గుడ్లు మరియు చికెన్ తినడం సురక్షితమేనా?మనుషులకూ వ్యాపిస్తుందా..నిపుణులు ఏమంటారు?
- News గెలిస్తే వాషింగ్టన్ డీసీ చేస్తా అన్నావ్.. రాజధానే లేకుండా చేశావ్ జగనన్నా.. షర్మిల చురకలు
- Sports సారీ బ్రదర్.. కావాలని కొట్టలేదు - పంత్ ఎమోషనల్ Video
- Technology Infinix GT 20 Pro 5G డిజైన్ రెండర్లు లీక్ అయ్యాయి! స్పెసిఫికేషన్ల వివరాలు
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
'ఆగడు' కాపీ వివాదం :సంగీత దర్శకుడు వివరణ
హైదరాబాద్ : తాజాగా మహేశ్ హీరోగా నటిస్తున్న 'ఆగడు' రెండో టీజర్ కాపీ కాంట్రవర్శిలో ఇరుక్కున్న సంగతి తెలిసిందే. మహేష్ పుట్టినరోజు సందర్భంగా విడుదల చేసిన ఈ టీజర్ లో వచ్చే బ్యాక్ గ్రౌండ్ మ్యూజిక్...మళయాళ చిత్రం 'అవతారం 'టీజర్ నుంచి లిప్ట్ చేసారని అంతటా వినిపించింది. దీనిపై టీవి ఛానెల్స్ పోగ్రామ్ లు సైతం చేసేసాయి. ఈ నేపధ్యంలో అవతారం చిత్రం కంపోజర్ వివరణ ఇచ్చారు. అది తమ పొరపాటే అని చెప్పుకొచ్చి తమన్ కి రిలీఫ్ ఇచ్చాడు.
అవతారం కు సంగీతం అందించిన మళయాళి మ్యూజిక్ డైరక్టర్ దీపక్ దేవ్ మాట్లాడుతూ... తమ ఎడిటర్ పొరపాటున ఆగడు సౌండ్ ట్రాక్ ని డమ్మీ ట్రైలర్ కి వాడాడన్నారు. అయితే ఆ ట్రాక్ మహేష్ బాబు ఆగడు చిత్రం ది అనే విషయం తెలియదని అన్నారు. ఆన్ లైన్ నుంచి ఓ డమ్మీ ట్రాక్ తీసుకుందామనే ప్రయత్నంలో జరిగిన పొరపాటు అన్నట్లు చెప్పుకొచ్చారు. అలాగే తాను ఇంకా అవతారం చిత్రానికి బ్యాక్ గ్రౌండ్ స్కోర్ ఇవ్వలేదని అన్నారు. తన ఎడిటర్ అత్యుత్సాహంతో ఆన్ లైన్ లో దొరికిన ట్రైలర్ ..ఎక్కడిదో తెలియకుండా వాడేసాడని, తను చూసుకోలేదని అని వివరణ ఇచ్చారు.
తమన్నా హీరోయిన్ గా నటిస్తున్న ఈ చిత్రానికి శ్రీను వైట్ల దర్శకుడు. 14 రీల్స్ ఎంటర్టైన్మెంట్ పతాకంపై రామ్ ఆచంట, గోపీచంద్ ఆచంట, అనిల్ సుంకర ఈ చిత్రాన్ని నిర్మిస్తున్నారు. తమన్ సంగీత దర్శకుడు. కృష్ణ పుట్టినరోజున విడుదల చేసిన ఈ సినిమా మొదటి టీజర్ తరహాలోనే ఈ రెండో టీజర్లో హైవోల్టేజి యాక్షన్ సీన్లు, పంచ్ డైలాగులు ఉన్నాయి.
మహేశ్ చెప్పిన 'డిక్కీ బలిసిన కోడి చికెన్ షాప్ ముందుకొచ్చి తొడకొట్టిందంట', 'అయినా నువ్వు డైలాగ్ వేస్తే కౌంటర్ వెయ్యడానికి నేను రైటర్ని కాదు ఫైటర్ని, అయ్యబాబోయ్ నాకు సినిమా డైలాగులు వొచ్చేస్తన్నాయేంటి' డైలాగులకు అభిమానుల నుంచి విపరీతమైన స్పందన వస్తోందని విశ్లేషకులు చెబుతున్నారు. ఈ కొత్త టీజర్తో 'ఆగడు' సినిమా ఎలా ఉండబోతోందో డైరెక్టర్ శ్రీను వైట్ల ఒక 'ఫీలర్' వదిలారని వారంటున్నారు. ఎన్కౌంటర్ స్పెషలిస్టుగా మహేశ్ నటిస్తున్న ఈ చిత్రాన్ని సెప్టెంబర్లో విడుదల చేయడానికి సన్నాహాలు జరుగుతున్నాయి.
'ఆగడు' సినిమా కోసం శ్రుతి హాసన్ ఓ ప్రత్యేక గీతంలో ఆడిపాడుతోంది. ''తమన్ అందించిన మాస్ మసాలా గీతమిది. ఇందులో మహేష్, శ్రుతిహాసన్ స్టెప్పులు ప్రేక్షకులకు కిక్ ఇస్తాయి'' అంటోంది చిత్రబృందం. డా.రాజేంద్రప్రసాద్, ప్రకాష్రాజ్, బ్రహ్మానందం, నెపోలియన్ ఇతర పాత్రలు పోషిస్తున్న ఈ చిత్రానికి రచన: అనీల్ రావిపూడి, ఉపేంద్ర మాధవ్, రచనా సహకారం: ప్రవీణ్ వర్మ, సంగీతం: ఎస్.ఎస్.థమన్, సినిమాటోగ్రఫీ: కె.వి.గుహన్, ఆర్ట్: ఎఎస్ ప్రకాష్, ఎడిటింగ్: ఎం.ఆర్.వర్మ, కో-డైరెక్టర్: చలసాని రామారావు, ఎగ్జిక్యూటివ్ నిర్మాత: కోటి పరుచూరి, నిర్మాతలు: రామ్ ఆచంట, గోపీచంద్ ఆచంట, అనీల్ సుంకర, కథ-స్ర్కీన్ ప్లే-మాటలు-దర్శకత్వం: శ్రీను వైట్ల.