Don't Miss!
- News సంచలనం సృష్టించిన సికింద్రాబాద్ రైల్వే
- Finance Just Dial Stock: జస్ట్ డయల్ స్టాక్ రికార్డుల మోత.. ఇంట్రాడేలో 13 శాతం అప్.. అదే కారణం..
- Automobiles టోల్గేట్ల వద్ద ఇకపై ఈ బోర్డులు ఉండవు.. కేంద్ర ప్రభుత్వం కీలక నిర్ణయం
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
- Technology ధర రూ. 20 వేలలో, వైర్లెస్ ఛార్జింగ్ తో వచ్చే మొట్ట మొదటి ఫోన్! సేల్ ఈ రోజే! ఆఫర్ వివరాలు
- Sports IPL 2024: అంబానీ వల్ల మూడు జట్లు సర్వనాశనం!
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
అల్లు అర్జున్ నే హైలెట్ చేస్తున్నారు
హైదరాబాద్ : తమ సినిమాలో అల్లు అర్జున్ వంటి యంగ్ డైనమిక్ స్టైలిష్ హీరో ఉన్నప్పుడు ఆయన్నే హైలెట్ చేస్తే బెస్ట్ అనుకున్నట్లున్నారు రుద్రమదేవి టీమ్. తమ సినిమాలో ముందు అనుకున్న గోన గన్నారెడ్డి పాత్రను అల్లు అర్జున్ రాగానే పెంచినట్లు సమాచారం. అలాగే మీడియాలో కూడా అల్లు అర్జున్ ఈ చిత్రంలో చేస్తున్న విషయం బాగా నలిగేటట్లు దర్శక,నిర్మాతలు చూసుకుంటున్నారు.
అనుష్క ప్రధాన పాత్రలో రూపొందుతున్న చిత్రం 'రుద్రమదేవి'. రానా, అల్లు అర్జున్, కేథరిన్ ముఖ్య పాత్రధారులు. గుణశేఖర్ స్వీయ దర్శకత్వంలో నిర్మిస్తున్నారు. దేశంలోనే తొలిసారిగా స్టీరియో స్కోపిక్ త్రీడీ విధానంలో తెరకెక్కుతున్న చిత్రమిది. సినిమా చిత్రీకరణ ప్రస్తుతం హైదరాబాద్ శివార్లలోని గోపనపల్లిలో జరుగుతోంది. ప్రముఖ కళా దర్శకుడు తోట తరణి రూపొందించిన ప్రత్యేక సెట్లలో చిత్ర ప్రధాన తారగణంపై కీలక సన్నివేశాలను చిత్రీకరిస్తున్నారు.
నిర్మాత మాట్లాడుతూ... ''కాకతీయుల కాలాన్ని దర్శకుడు కళ్లకు కట్టినట్లు చూపిస్తున్నారు. గోన గన్నారెడ్డి పాత్రలో అల్లు అర్జున్ నటన చిత్రానికి కలిసొస్తుంది. అనుష్క, అల్లు అర్జున్ మధ్య చిత్రిస్తున్న సన్నివేశాలు చిత్రానికి ప్రత్యేక ఆకర్షణగా నిలుస్తాయి'' అంటున్నారు.
గుణ శేఖర్ మాట్లాడుతూ... ''కాకతీయుల చరిత్రలో గోన గన్నారెడ్డి పాత్రకు ప్రముఖ స్థానముంది. ప్రజల సంక్షేమం కోసం పోరాడిన ఓ వ్యక్తి పాత్ర అది. ఈ పాత్రకు ఎవరు సరితూగుతారా అని ఆలోచిస్తుండగా అల్లు అర్జున్ గుర్తొచ్చాడు. పాత్రకు కావాల్సిన అన్ని అంశాలు ఉన్న కథానాయకుడతను. ఈ కథ గురించి చెప్పగానే అతడు కూడా వెంటనే అంగీకరించాడు. దీంతో నేటి తరం హీరోలలో ఇలాంటి పాత్రలు పోషించడానికి నాంది పలికినవాడిగా బన్నీ నిలుస్తాడు.
ఎన్టీఆర్కు 'పల్నాటి బ్రహ్మనాయుడు'లా, ఏఎన్నార్కు 'తెనాలి రామకృష్ణుడు'లా, కృష్ణంరాజుకు 'తాండ్రపాపారాయుడు'లా, కృష్ణకు 'అల్లూరి సీతారామరాజు'లా బన్నీకి మా 'రుద్రమదేవి' సినిమా నిలిచిపోతుంది.'' అంటూ వివరించారు గుణశేఖర్. ఈ సినిమాలో అనుష్క, రానా, నిత్యమీనన్, కృష్ణంరాజు ఇతర ముఖ్య పాత్రల్లో కనిపిస్తారు.
ఈ చిత్రానికి సంగీతం : ఇళయరాజా, ఆర్ట్: తోట తరణి, ఫోటోగ్రపీ : అజయ్ విన్సెంట్, కాస్టూమ్స్ : నీతా లుల్లా(జోధా అక్భర్ ఫేం), ఎడిటింగ్ : శ్రీకర్ ప్రసాద్, విఎఫ్ ఎక్స్ : కమల్ కణ్ణన్, మాటలు : పరుచూరి బ్రదర్స్, పాటలు : సిరివెన్నెల, మేకప్ : రాంబాబు, నిర్మాత-కథ-స్ర్కీన్ ప్లే-దర్శకత్వం : గుణ శేఖర్.'