Don't Miss!
- Sports SRH vs MI: ఒక్క మ్యాచ్.. 523 రన్స్.. 38 సిక్స్లు! ఆల్టైమ్ రికార్డ్!
- News కాంగ్రెస్ పార్టీ 8వ జాబితా విడుదల: తెలంగాణ నుంచి అభ్యర్థులు వీరే
- Lifestyle చాణక్య నీతి ప్రకారం, ఈ తప్పులను నిర్లక్ష్యం చేసిన వారు జీవితంలో ఘోర వైఫల్యాన్ని ఎదుర్కొంటారు...!
- Automobiles కొత్త కాంపాక్ట్ ఎస్యూవీ బసాల్ట్ విజన్ ఎస్యూవీని ఆవిష్కరించిన సిట్రోయెన్
- Technology WhatsApp ద్వారా విదేశాలకు డబ్బు పంపేందుకు కొత్త ఫీచర్! వివరాలు
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
- Finance Hyderabad: తల్లి కోరిక తీర్చిన ఆనంద్ మహీంద్రా.. 4000 మంది విద్యార్థుల కోసం హైదరాబాదులో..
కూతురుని తెరపై చూడాలంటూ సూపర్ స్టార్
ముంబై: తన తండ్రి అడుగుజాడల్లోనే తానూ పయనిస్తానని, నటననే తన జీవిత లక్ష్యంగా నిర్ణయించుకున్నట్లు బాలీవుడ్ నటుడు షారుక్ ఖాన్ కుమార్తె సుహానా వెల్లడించారు. ఇందుకు తన తల్లిదండ్రుల సహకారం ఉంటుందని ఆమె పేర్కొంది. ధీరూభాయి అంబానీ హైస్కూల్ ఎంఎస్ఎస్ఏ ఏఐయు-14 బాలికల ఫుట్బాల్ జట్టుకు సుహానా నాయకత్వం వహించారు. ఆజాద్మైదానంలో జరిగిన ఫైనల్స్లో ధీరూభాయి అంబానీ జట్టు ఆర్య విద్యామందిర్ జట్టుపై 3-0 తేడాతో విజయం సాధించింది.
ఈ సందర్భంగా ఆమె ఓ దినపత్రికకు ఇచ్చి ఇంటర్వ్యూలో పలు విషయాలు వెల్లడించారు. తన కెరీర్ గురించి ఇప్పటికే తన తండ్రితో చర్చించానని, భవిష్యత్తు లక్ష్యంపై ఇప్పుడే నిర్ణయించుకున్నానని పేర్కొన్నారు. తన తండ్రి తనను నటన పాఠశాలల్లో భారతీయ, అంతర్జాతీయ సినిమాల గురించి చదువు కోవాలని సూచించారని సుహానా వెల్లడించారు.
పాఠశాల విద్యాభ్యాసం పూర్తికాగానే తాను విదేశాలకు వెళ్లి నటన పాఠశాలలో చేరతానని తెలిపారు. బహుశా నటన కోసం అమెరికా వెళ్లే అవకాశాలు ఎక్కువగా ఉన్నాయని, తన తండ్రిలాగా గొప్ప నటి కావాలన్నదే తన ధ్యేయమని వివరించారు. ఈ విషయంపై షారుక్ ఖాన్ స్పందిస్తూ సుహానా నటి కావాలనుకోవడంలో తప్పులేదన్నారు. ఆమెను వెండితెరపై చూడాలన్నదే తన ఆకాంక్ష అని వెల్లడించారు. తన కుమార్తెను చూసి ఎంతో గర్వపడుతున్నానని పేర్కొన్నారు.