మిస్‌అమెరికా నీనాపై టాలీవుడ్ కన్ను?(ఫోటో ఫీచర్)

నమ్మలేని క్షణాలు

నీనా దవులూరి మిస్ అమెరికా కిరీటం దక్కించుకున్న వెంటనే ఆనందం ఆపుకోలేకపోయింది. నమ్మలేని విజయం తన సొంతం కావడంతో ఆమె కళ్లు చెమర్చాయి.

ఆనందంగా...

మిస్ అమెరికా కిరీటం గెలుచుకోవడం ఎంతో సంతోషంగా ఉందని చెప్పిన నీనా....ఆర్గనైజేషన్ చేసిన ఏర్పాట్లను ప్రశంసించింది.

భారతీయ సంస్కృతి తెలిసిన అమ్మాయి

ఇండియాలో పుట్టి పెరగక పోయినా ఇక్కడి సంస్కృతి గురించి నీనాకు అవగాహన ఉంది. ఆమె భరతనాట్యం, కూచి పూడి కూడా నేర్చుకుంది.

బాలీవుడ్ బాన్స్ నేర్చుకుంది.

నీనా దవులూరి మిస్ అమెరికా పోటీల కోసం నృత్య దర్శకుడు నకుల్ దేవ్ మహాజన్ దగ్గర బాలీవుడ్ బాన్సులు నేర్చుకుంది.

కాంపిటీషన్లో డాన్స్ ప్రదర్శన

నీనా దవులూరి టాలెంట్ రౌండ్లో తను నేర్చుకున్న బాలీవుడ్ ఫుషన్ డాన్స్ ప్రదర్శించింది. కిరీటం గెలుచుకున్న తర్వాత నీనా మాట్లాడుతూ...మిస్ అమెరికా స్టేజీపై బాలీవుడ్ బాన్స్ ప్రదర్శించడం ఇదే తొలి సారి. ఇది నాకు మాత్రే కాదు, నా ఫ్యామిలీకి, ఇండియన్ కమ్యూనిటీకి గౌరవంగా భావిస్తున్నాను అని పేర్కొంది.

తొలి ప్రవాస భారతీయురాలు

మిస్ అమెరికా కిరీటం దక్కించుకున్న తొలి ప్రవాస భారతీయురాలుగా నీనా చరిత్ర సృష్టించింది. మిస్ న్యూయార్కు కిరీటం దక్కించుకున్న తొలి ప్రవాస భారతీయురాలు కూడా ఆమెనే...

వైద్యుల ఫ్యామిలీ నుంచి

నీనా తండ్రి కోటేశ్వరరావు అమెరికాలో వైద్య వృత్తిలో ఉన్నారు. అదే విధంగా ఇండియాలో ఉండే నీనా బంధువులు కూడా వైద్య వృత్తిలోనే ఉన్నారు. నీనా కూడా భవిష్యత్‌లో కార్డియాలజిస్టు కావాలనే ఆశయంతో ఉంది.

ప్రైజ్ మనీ చదువుల కోసమే..

మిస్ అమెరికా కిరీటం దక్కించుకోవడంతో పాటు 50,000 అమెరికన్ డాలర్ల ఫ్రైజ్ మనీ కూడా ఆమె సొంతమైంది. ఈ డబ్బును తన ఉన్నత చదువుల కోసం వినియోగిస్తానని అంటోంది నీనా.

నీనా ఫ్యామిలీ...

మిస్ అమెరికా కాంపిటీషన్ సందర్భంగా నీనాకు ఎంకరేజ్మెంట్ ఇచ్చేందుకు ఆమె ఫ్యామిలీ మెంబర్స్‌తో పాటు, స్నేహితులు, బంధువులు కూడా అట్లాంటిక్ సిటీకి వచ్చారు.

నీనాపై జాత్యహంకార వ్యాఖ్యలు

మిస్ అమెరికా కిరీటం దక్కించుకున్న నీనా దవులూరిపై కొంత మంది అమెరికన్లు జాత్యహంకార వ్యాఖ్యలు చేసారు. ఆమె ఆల్ ఖైదా వ్యక్తిలా ఉందని, టెర్రరిస్టులా ఉందని వ్యాఖ్యానించారు. ఆమె భారతీయ సంతతికి చెందిన వ్యక్తి అనే వివక్షతోనే ఆమెపై సోషల్ మీడియాలో ఇలాంటి వ్యాఖ్యలు వెలువడ్డట్లు స్పష్టమవుతోంది.

లైట్ తీసుకున్న నీనా

తనపై కొందరు జాత్యహంకార వ్యాఖ్యలు చేయడాన్ని నీనా లైట్ తీసుకుంది. వారి వ్యాఖ్యలు తాను పట్టించుకోనని....నేను అమెరికా పౌరురాలునని నీనా వెల్లడించింది.

నీనా గ్రాండ్ మదర్ కోటేశ్వరమ్మ

నీనా గ్రాండ్ కోటేశ్వరమ్మ చౌదరి విజయవాడలో మహిళా కళాశాలను నడుపుతున్నారు. ఆమె వయసు 89 సంవత్సరాలు. తన మనవరాలుకి మిస్ అమెరికా కిరీటం దక్కడంపై కోటేశ్వరమ్మ ఆనందం వ్యక్తం చేసింది.

గర్వంగా ఉందన్న కోటేశ్వరమ్మ

తన మనవరాలుకి మిస్ అమెరికా కిరీటం దక్కడంపై కోటేశ్వరమ్మ మాట్లాడుతూ...‘ఇదొక గొప్ప విజయమని..గర్వంగా ఉందని, నీనా తన డ్రీమ్ నెరవేర్చుకున్నందుకు సంతోషంగా ఉంది' అని వ్యాఖ్యానించారు.

నీనా గురించి ఆమె ఆంటీ

నీనా గురించి ఆమె ఆంటీ శశిబాల మాట్లాడుతూ...నీనాను 6 వారాల వయసు ఉన్నపుడే కోటేశ్వరమ్మ విజయవాడ తీసుకొచ్చారు. రెండున్నర సంవత్సరాల వయసు వచ్చే వరకు పెంచారు. ఆ తర్వాత నీనాను వాళ్ల తల్లిదండ్రులు అమెరికా తీసుకుని వెళ్లారు. కానీ ప్రతి వేసవిలో నీనా ఇక్కడకు వస్తుంది అని వెల్లడించారు.

తెలుగు సంస్కృతి అంటే నీనాకు ఇష్టం

వేసవి సెలవుల్లో విజయవాడ వచ్చినపుడు నీనా కూచిపూడి నేర్చుకుంది. అదే విధంగా ఆమె మంచి వెస్టర్న్ డాన్స్ కూడా. తెలుగు సినిమాలంటే కూడా ఆమెకు ఇష్టమే.

సినిమా ఆలోచనలు లేవు

మిస్ అమెరికా లాంటి అందాల పోటీల్లో విజేతగా నిలిచిన నీనాకు సినిమాల్లోకి వచ్చే ఆలోచన అస్సలు లేదని ఆమె సన్నిహితులు అంటున్నారు.