Don't Miss!
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Automobiles 2024 Jeep Wrangler Facelift Review జీప్ రాంగ్లర్ ఫేస్లిఫ్ట్ ఆఫ్రోడర్ పర్ఫామెన్స్ ఫుల్ రివ్యూ
- News జగన్ కు వైఎస్ వివేకా భార్య లేఖ-అవినాష్, వైసీపీ అటాక్ పై-న్యాయంవైపు నిలబడాలని విన్నపం..!
- Sports టీ20 వరల్డ్ కప్లో ధోనీ రీఎంట్రీ: బీసీసీఐ మాస్టర్ ప్లాన్!
- Finance Kotak Mahindra Bank: కొంపముంచి కోటక్ మహీంద్రా బ్యాంక్.. భారీగా పడిపోయిన స్టాక్..!
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
షాకింగ్: అనుష్క ‘వర్ణ’ బడ్జెట్ అంతా?
హైదరాబాద్: పి.వి.పి సినిమా సంస్థ సెల్వరాఘవన్ దర్శకత్వంలో అనుష్క, ఆర్య ప్రధాన పాత్రల్లో 'వర్ణ' చిత్రాన్ని తమిళం, తెలుగు భాషల్లో తెరకెక్కించిన సంగతి తెలిసిందే. ఈ చిత్రాన్ని రేపు(నవంబర్ 22)న ప్రపంచ వ్యాప్తంగా గ్రాండ్గా విడుదల చేసేందుకు సన్నాహాలు చేస్తున్నారు. తాజాగా ఈచిత్రానికి సంబంధించిన ప్రెస్ నోట్ విడుదల చేసారు.
ప్రొడక్షన్ టీం చెప్పిన వివరాల ప్రకారం ఈచిత్రాన్ని రూ. 65 కోట్లకు పైగా బడ్జెట్తో నిర్మించారని స్పష్టం అవుతోంది. ఇప్పటి వరకు తెలుగులో ఇంత బడ్జెట్ సినిమా రాక పోవడం గమనార్హం. ఈ సినిమాకు నిర్మాతలు ఇంత ఖర్చు పెట్టడానికి ముందుకు రావడం దర్శకుడు సెల్వరాఘవన్ పనితీరు, కథ నచ్చడంతో పాటు అనుష్క స్టార్ ఇమేజ్ కూడా కారణమని స్పష్టమవుతోంది.
హాలీవుడ్ చిత్రాలకు ఏ మాత్రం తీసిపోని గ్రాఫిక్స్తో ఈ చిత్రాన్ని తెరకెక్కించారు. భారీ బడ్జెట్ చిత్రం కాబట్టి విడుదల విషయంలోనూ భారీగా ఏర్పాట్లు చేస్తున్నారు. ప్రపంచ వ్యాప్తంగా 1200 స్క్రీన్లలో ఈ చిత్రాన్ని విడుదల చేస్తున్నారు. ఈ చిత్రం యొక్క ఓవర్సీస్ రైట్స్ హీరో ఆర్య సొంతం చేసుకుని అక్కడ ప్రదర్శించేందుకు ఏర్పాట్లు చేస్తున్నారంటే....సినిమా ఏ రేంజిలో ఉందో అర్థం చేసుకోవచ్చు.
ఈ చిత్రంలో అనుష్క ద్విపాత్రాభినయం చేసింది. ఒక పాత్రలో ఆమె సాధారణ గృహిణిగా, ఒక పాత్రలో ట్రైబల్ ఉమన్(ఆటవిక యువతి)గా కనిపించనుంది. జార్జియా అడవుల్లో అనుష్కపై కొన్ని కీలక సన్నివేశాలు చిత్రీకరించారు. ఈ సినిమాలో పోషిస్తోన్న విలక్షణమైన పాత్ర కోసమే అనుష్క మార్షల్ ఆర్ట్స్ ని సైతం నేర్చుకుంది. అరుంధతి తర్వాత అనుష్కకు ఈచిత్రం బాగా పేరు తెస్తుందనే టాక్ సినీ వర్గాల్లో వినిపిస్తోంది. ఈ చిత్రానికి ఛాయాగ్రహణం: రామ్జీ, సంగీతం: హారిస్ జైరాజ్.