Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ఆడుతూ..పాడుతూ
చిత్రం: ఆడుతూ..పాడుతూ
నటీనటులు: శ్రీకాంత్, సునీల్, గాయత్రి, ఎం.ఎస్.నారయణ, రాజ్
సంగీతం: చక్రి
మాటలు: చింతపల్లి రమణ
నిర్మాత: సి.వి.రెడ్డి
స్క్రీన్ ప్లే, దర్శకత్వం: దేవీప్రసాద్
కథ, కథనం విభిన్నంగా ఉన్న చిత్రాలు చాలా అరుదుగా వస్తుంటాయి. ఇలా భిన్నమైన నేపథ్యంలో తీసిన సరదా చిత్రమే - ఆడుతూ..పాడుతూ. ఓ మలయాళ చిత్రం ఆధారంగా రూపొందించిన ఈ చిత్రం ఆసాంతం కామెడీయే. సినిమా టైటిల్ మాదిరే చిత్రం అంతా ఆడుతూ..పాడుతూ తీశారు. కామెడీ ప్రధాన వస్తువైనప్పటికీ, పూర్తిస్థాయిలో కామెడీ లేదు. డైలాగ్స్ లలో మరింత కామెడీ చొప్పించి ఉంటే ఈ సినిమా మరింత రక్తికట్టేది. అయినప్పటికీ, ఈ చిత్రం ఏ మాత్రం నిరాశపర్చదు. కేవలం సరదా కోసమే తీసిన ఈ చిత్రంలో కథే బలం.
శ్రీకాంత్, సునీల్ ప్రాణస్నేహితులు. ఇద్దరూ పెద్దగా చదువుకోలేదు. కాబట్టి ఉద్యోగాలు దొరకవు. శ్రీకాంత్ తండ్రి మిగిల్చిన ఆస్థి - డొక్కు బస్సు. ఈ డొక్కు బస్సే వీరికి ఇళ్ళు, ఆఫీస్...అన్నీ. ఈ బస్సుతో పడే తిప్పలు కడుపుబ్బ నవ్విస్తాయి. ఈ బస్సునే మోబైల్ క్యాంటిన్ గా మార్చాలని శ్రీకాంత్ అనుకుంటాడు. అందుకోసం బ్యాంక్ లోన్ తీసుకుంటాడు. ఇదే సమయంలో ఓ బంజారా అమ్మాయి(గాయత్రి) ఓ రాత్రి బస్సులో తలదాచుకుంటుంది.
శ్రీకాంత్ ఈ బంజారా అమ్మాయి ప్రేమలో పడుతాడు. పెళ్ళి చేసుకుందామని అనుకునే సమయంలో గాయత్రి బంజారా అమ్మాయి కాదనీ, తమిళనాడు సీఎం కూతరని తెలుస్తుంది. జెడ్ కేటగిరీ సెక్యూరిటీలోనే జీవితాన్ని గడపాల్సి రావడంతో, విసిగి పోయి రాజకీయాలకు దూరంగా ఉండేందుకు, గాయత్రి ఇంటి నుంచి పారిపోయి హైదరాబాద్ వస్తుంది. చివరికి శ్రీకాంత్ గాయత్రిని ఎలా పెళ్ళిచేసుకుంటాడనేది క్లైమాక్స్.
కథ చిన్నదే. కానీ బస్సు చుట్టూ జరిగే సీన్స్ బాగా నవ్విస్తాయి. సునీల్ కామెడీ కూడా చాలా బాగుంది. కాకపోతే డైలాగ్స్ లో మరింత కామెడీ ఉంటే, ఇంకా బాగా పండేవి. శ్రీకాంత్ నటన సాధారణం. కొత్త అమ్మాయి గాయత్రి లావుగా ఉన్నా, బాగుంది. నటన కూడా బాగానే చేసింది. చక్రి సంగీతం సాధారణం. రెండు పాటలు మాత్రం వినసొంపుగా ఉన్నాయి. ఫోటోగ్రఫీ బాగుంది. కొత్త దర్శకుడు దేవీప్రసాద్ తొలి చిత్రంతోనే తన టాలెంట్ ను నిరూపించుకున్నాడు.