Don't Miss!
- Finance Cerelac News: పేదదేశాల సెరెలాక్ ఉత్పత్తులో పంచదార..!! FSSAIకి నోటీసులు జారీ..
- Technology గూగుల్ మ్యాప్స్ కొత్త ఫీచర్ గురించి తెలుసా.. రోడ్ ట్రిప్ సహా ప్రయాణాల్లో ఆందోళన ఉండదిక...!
- Sports చెన్నై సూపర్ కింగ్స్లో భారీ మార్పులు..!!
- News పవన్ కల్యాణ్ దూకుడు - తాజా నిర్ణయంతో..!!
- Automobiles కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
- Lifestyle గుడ్నైట్ సందేశాలను ఇలా సరదాగా పంపుకోండి..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
సెన్సేషనల్ డైరెక్టర్ మణిరత్నం సినిమాలో రాధ చిన్నకూతురు...!
ఒకప్పటి అందాల తార రాధ పెద్ద కూతురు కార్తీక ఇంకా హీరోయిన్ గా కుదురుకోనేలేదు, అప్పుడే ఆమెకి చెల్లి నుంచే పోటీ ఎదురుకానుంది. జోష్ తో వెండితెరకి పరిచయమైన కార్తీక ఆ తర్వాత తమిళంలో 'కో" చిత్రంతో నటించింది. ఆ సినిమా తమిళనాట బ్రహ్మాండమైన విజయం సాధించడమే కాకుండా, తెలుగులో రంగం పేరిట అనువాదమై ఇక్కడా శతదినోత్సవం కూడా చిరంజీవి చేతులమీదుగా జరుపుకొంది. అయినప్పటికీ కార్తీక కెరీర్ ఏమాత్రం ముందుకు కదలకుండా ఉన్నచోటే నిలిచిపోయింది.
ఇలాంటి టైమ్ లో రాధ చిన్న కూతురు తులసి తెరంగేట్రానికి అనుకోకుండా ముహూర్తం కుదిరేసింది. మణిరత్నం తన తదుపరి చిత్రంలో కథానాయికగా తులసి బాగుంటుందని భావించి, రాధకి ఆ సంగతి చెప్పాడు. అయితే ఇంకా చిన్న పిల్లే కదా, అప్పుడే ఆమె హీరోయిన్ ఏంటని రాధ తటపటాయింది. కానీ తన పాత్రకి ఆమె బాగా సూటవుతుందని మణిరత్నం నచ్చెప్పాడని సమాచారం.
పదిహేనేళ్ల తులసి ఈ చిత్రంలో కార్తీక్ కొడుకు గౌతమ్ కి జోడిగా నటిస్తుంది. ముందుగా అనుకున్నట్టు ఈ చిత్రంలో కమల్ చిన్న కూతురు అక్షరాహాసన్ నటించడం లేదు. కార్తీకకి రాని స్టార్ డమ్ తులసికి వస్తుందేమో చూద్దాం.