రూమర్సే... సినిమా లేదు...ఫ్యాన్స్ నిరుత్సాహం

Tamil

oi-Surya

By Srikanya

| Published: Wednesday, August 6, 2014, 8:32 [IST]

చెన్నై:తమ హీరో పెద్ద దర్శకుడుతో చేయాలని అభిమానులు కోరుకుంటూంటారు. ఈ మేరకు మీడియాలో వార్తలు వచ్చినప్పుడల్లా వారు ఆనందిస్తూంటారు. అలాంటిందే గత కొద్ది రోజులుగా జరుగుతున్నాయి గౌతంమీనన్‌ దర్శకత్వంలోని చిత్రంలో నటిస్తున్నారు 'తల' అజిత్‌. ఈ సినిమా తర్వాత శంకర్‌ డైరెక్షన్‌లో నటించనున్నట్లు వార్తలు వచ్చాయి. సోషల్ నెట్ వర్కింగ్ సైట్స్ లో అభిమానులు అంతా భారీ ఎత్తున ఆనందంతో ఈ వార్తలను షేర్ చేస్తున్నారు. ఈ నేపధ్యంలో అలాంటి ప్రపోజల్ ఏమీ లేదని దర్శకుడు శంకర్ తేల్చి చెప్పాడు. కేవలం అవన్ని రూమర్సే అనటంతో ఫ్యాన్స్ నిరుత్సాహపడ్డారు.

'ఐ' షూటింగ్ లో బిజీగా ఉన్న శంకర్‌.. తదుపరి అజిత్‌ కోసం మంచి కథను సిద్ధం చేశారని,'రోబో' సీక్వెల్‌లో అజిత్‌ నటించే అవకాశాలు మెండుగా ఉన్నాయని మీడియాలో వార్తలు వస్తున్నాయి. కానీ ఆ విషయాలన్నింటినీ శంకర్‌ ఖండించారు.

ధనుష్‌ నటించిన 'వేలై ఇల్లా పట్టదారి' చిత్రాన్ని చూసిన శంకర్‌.. దానిపై తన అధికార ఫేస్‌బుక్‌ ఖాతాలో స్పందించారు. సినిమా చాలా బాగుందని, తనకెంతో నచ్చిందని ప్రస్తావించారు. ఈ తరుణంలో అజిత్‌ అభిమాని ఒకరు 'మా హీరో అజిత్‌తో సినిమా తీస్తున్నారట.. నిజమేనా?' అని ప్రశ్నించారు.

దీనిపై శంకర్‌ స్పందిస్తూ.. ప్రస్తుతం విక్రం హీరోగా నటిస్తున్న 'ఐ' చిత్రీకరణలో బిజీగా ఉన్నాను. ఆ సినిమా విడుదలయ్యేవరకు మరో ప్రాజెక్టు గురించి ఆలోచించ లేదు. అజిత్‌తో సినిమా అంటూ వస్తున్న వార్తల్లో ఏ మాత్రం నిజంలేదని చెప్పారు. ప్రస్తుతం 'ఐ' విడుదలయ్యాకే తదుపరి చిత్రం గురించి ఆలోచిస్తానని తెలిపారు శంకర్‌.