మెల్బోర్న్: ఆస్ట్రేలియాలో మరో భారత విద్యార్థిపై దాడి జరిగింది. ఆస్ట్రేలియాలో భారతీయులపై జరుగుతున్న దాడుల క్రమంలో ఇది 20వది. అతని టర్బన్ ను తొలగించి వెంట్రుకలను కత్తిరించే ప్రయత్నం చేశారు. రేషం సింగ్ అనే ఆ 22 ఏళ్ల సిక్కు విద్యార్థిపై ఆరుగురు టీనేజర్లు దాడి చేశారు. రేషం సింగ్ హాస్పిటాలిటీ కోర్సు విద్యార్థి. అతను ఆరు నెలల క్రితమే ఇక్కడికి వచ్చాడు. డాండేనోంగ్ స్టేషనులో సోమవారం ఈ దాడి జరిగింది.
Read: In English
ఇంగ్లీష్ సరిగా రాని సింగ్ పంజాబీలో తనపై జరిగిన దాడి గురించి వివరించాడు. తొలుత వచ్చి తనను దూషించారని, ఆ తర్వాత మరింత మందితో కత్తెర తీసుకుని వచ్చారని, తన టర్బన్ ను తొలగించి, తన వెంట్రుకలు కత్తిరించడానికి ప్రయత్నించారని అతను చెప్పాడు. తన మిత్రులు తనను రక్షించడానికి ప్రయత్నించారని అతను చెప్పాడు. దాడి చేసినవారిలో ఇద్దరిని పోలీసులు అరెస్టు చేశారు.
