ఈజిప్ట్ లో రాహుల్ గాంధీ పర్యటన

రానియా కైరో: కాంగ్రెస్‌ యువనేత, పార్లమెంట్ సభ్యుడు రాహుల్‌గాంధీ ఈజిప్టు వెళ్లారు. అరబ్‌ లీగ్‌ నేత అమర్‌ ముసానితో కలిసి మిడిల్‌ఈస్ట్‌, దక్షిణాసియా ప్రాంతాల్లోని వర్తమాన రాజకీయ పరిస్థితులగురించి చర్చించారు. పాక్‌- భారత్‌ సంబంధాలు సైతం ఈ చర్చల్లో చోటుచేసుకున్నాయి.

పేదరికం, అభివృద్ధి, విద్యావైద్య సౌకర్యాల కల్పన తదితర అంశాలను భారత్‌ ఏవిధంగా ఎదుర్కొంటున్నదీ రాహుల్‌ ఆయనకు వివరించారు. కైరో యూనివర్శిటీ విద్యార్థులతో సైతం రాహుల్‌ సమావేశమై ఇరుదేశాల సంబంధాలు, విద్యార్థుల ఎక్ఛ్సేంజ్‌ కార్యక్రమాల గురించి చర్చించారు.