బాలికని అసభ్యకరంగా చిత్రీకరించి ఫ్రెండ్స్కు వీడియోలు
ఈ ఘటన పదిహేను రోజుల క్రితం జరిగింది. అప్పటి నుండి ఆ ఐదుగురు విద్యార్థులు తోటి విద్యార్థినిని అసభ్యంగా సెల్ ఫోన్తో చిత్రీకరించిన వీడియోలను ఇతరులకు పంపించారు. ఆమెను వేధింపులకు గురి చేశారు. ఈ విషయం విద్యార్థిని తండ్రి వరకు వెళ్లింది. దీంతో ఆ తండ్రి పోలీసులకు ఫిర్యాదు చేశాడు. పాఠశాలకు వచ్చి ప్రధానోపాధ్యాయురాలికి విషయాన్ని తెలియజేశాడు. పోలీసులు కేసు నమోదు చేసుకొని ఐదుగురు విద్యార్థులను అదుపులోకి తీసుకున్నారు.
వారిపై యలమంచిలి పోలీసులు 354, 109, 506 రెడ్ విత్ 34 సెక్షన్ల ప్రకారం కేసు నమోదు చేశారు. నిందిత బాలురు మైనర్లు కాబట్టి వారిపై కేసు పెట్టేందుకు పోలీసులు ముందు తటపటాయించినట్లుగా తెలుస్తోంది. అయితే, తండ్రి, తదితరుల ఒత్తిడి కారణంగా కేసును పెట్టారు.
పదిహేను రోజుల క్రితం ఆమెను సెల్ ఫోన్లో అసభ్యకరంగా చిత్రీకరించిన సదరు ఐదుగురు విద్యార్థులు బ్లూటూత్ తదితర వాటి ద్వారా వీడియోలను తమ స్నేహితులకు, ఇతరులకు పంపించారు. యలమంచిలి పోలీసులు వారి నుండి సెల్ పోన్లు స్వాధీనం చేసుకున్నారు. సురేష్, సన్ని బాబు, ఫణీంద్ర, శ్రీధర్, బండి బాబులు పోలీసుల అదుపులో ఉన్నారు.