బతుకమ్మ ఫోటోలు చూస్తూ కల్వకుంట్ల కవిత (పిక్చర్స్)
హైదరాబాద్: తెలంగాణ సంస్కృతికి నిదర్శనమైన బతుకమ్మ పండుగను ప్రభుత్వ పరంగా వైభంగా నిర్వహించేందుకు సిద్ధమవుతున్నామని తెలంగాణ రాష్ట్ర సమితి (తెరాస) నిజామాబాద్ పార్లమెంటు సభ్యురాలు కల్వకుంట్ల కవిత చెప్పారు.
ఆదివారం రవీంద్రభారతిలోని ఆర్ట్గ్యాలరీలో తెలంగాణ ప్రభుత్వం, సాంస్కృతిక శాఖ ఆధ్వర్యంలో చిత్రకారుడు భరత్భూషన్ చిత్రించిన బతుకమ్మ చిత్రాల ప్రదర్శనను ఆమె ముఖ్య అతిథిగా హాజరై ప్రారంభించారు. తెలంగాణ ఉద్యమంలో బతుకమ్మ పాత్ర కూడా ఉందని ఆమె అన్నారు. ఉద్యమం జరుగుతన్నపుడు కూడా బతుకమ్మ పండుగను ఘనంగా జరుపుకున్నామని గుర్తుచేసుకున్నారు.
తెలంగాణ సంస్కృతి ఉట్టిపడేలా ఉండే బతుకమ్మ చిత్రాలను అంతర్జాతీయ ప్రదర్శనకు కృషి చేస్తామన్నారు. బతుకమ్మ పండుగకు పదికోట్లు విడుదల చేసిన ప్రభుత్వం పండుగను ఘనంగా నిర్వహించనున్నట్లు వెల్లడించారు. కార్యక్రమంలో పలువురు ప్రముఖులు పాల్గొన్నారు.
బతుకమ్మ చిత్ర ప్రదర్శన
ప్రముఖ ఫొటోగ్రాఫర్ భరత్ భూషణ్ బతుకమ్మపై ఏర్పాటు చేసిన ఛాయాచిత్ర ప్రదర్శనను నిజామాబాద్ ఎంపి కల్వకుంట్ల కవిత ఇలా తిలకించారు.
భరత్ భూషణ్తో కవిత
ప్రముఖ ఫోటోగ్రాఫర్ భరత్ భూషణ్ తాను బతుకమ్మపై తీసిన ఫొటోల గురించి ఎంపీ కల్వకుంట్ల కవితకు వివరిస్తూ ఇలా కనిపించారు.
బతుకమ్మ ప్రదర్శనను ప్రారంభిస్తూ...
హైదరాబాదులోని రవీంద్ర భారతిలో ఏర్పాటైన బతుకమ్మ ఛాయాచిత్ర ప్రదర్శనను నిజామాబాద్ ఎంపీ కల్వకుంట్ల కవిత ప్రారంభించారు.
బతుకమ్మ ప్రదర్సనలో ఇలా..
హైదరాబాదులోని రవీంద్ర భారతిలో భరత్ భూషణ్ బతుకమ్మపై ఏర్పాటు చేసిన ప్రదర్శనను ఆరంభించిన కార్యక్రమంలో పలువురు ప్రముఖులు పాల్గొన్నారు.