145 పేజీలు, 12 అధ్యాయాలు: ఇదే పవన్కళ్యాణ్ ఇజం!
హైదరాబాద్/విశాఖ: పవర్ స్టార్ గురువారం సాయంత్రం విశాఖలో ఇజం పుస్తకాన్ని లాంచ్ చేస్తున్న విషయం తెలిసిందే. ఈ పుస్తకంలో ఎన్నో అంశాలు ఉన్నాయంట. 145 పేజీలు, 12 అధ్యాయాలతో కూడిన ఈ పుస్తకంలో సమాజ హితమే ప్రాతిపదికగా ఉందట. ఇజం.. జనసేన పార్టీ సిద్ధాంతం. నోబుల్ థింగ్స్ ఆర్ నెవర్ ఈజీ... నార్ ఆర్ దె కామన్.. అనే సూక్తితో పుస్తకం మొదలవుతుందట. న్యాయం కోసం పరి తపించే ప్రతి ఒక్కరికీ.. ఈ పుస్తకాన్ని అంకితం చేశారట.
స్టేట్ అనే పదాన్ని దేశం అనే అర్థంలోనే వాడామని తెలిపారు. కమ్యూనిటీని కులం అనే అర్థంలో వాడలేదు. రాజు రవితేజ్తో కలిసి పవన్ రచించిన ఈ పుస్తకంలో ఎన్నో అంశాలు ఉన్నాయట. ఇజం అంటే ఏమిటి... పవన్ కళ్యాణ్ ఐడియాలజీ ఏమిటి తదితర అంశాలు ఇందులో పొందుపర్చారట. ఇజం అంటే ఐడియలిజం... అనే ఉద్దేశ్యంతోనే ఆ పేరు పెట్టారట.
ఇజం.. పవన్ చేస్తున్న సైద్ధాంతిక ప్రకటన అని రాజు రవితేజ్ పేర్కొంటున్నారు. ప్రజలతో, సమాజంతో స్పష్టమైన సైద్ధాంతిక బంధం ఏర్పాటు చేసుకోవాలని పవన్ భావిస్తున్న సమయంలోనే ఈ పుస్తకం రాశామని తొలి అధ్యాయం హౌ ఇజం వాజ్ కన్సీవ్డ్ అండ్ రిటన్లో పేర్కొన్నారు.
ఈ సమాజానికి ఎలాంటి సైద్ధాంతిక ప్రాతిపదిక ఉండాలి? అని పవన్ కళ్యాణ్ ముప్పై ఏళ్లుగా ప్రశ్నించుకుంటూనే ఉన్నారని, తనకు తాను వేసుకున్న ఈ ప్రశ్నకు.. తాను ఇస్తున్న సమాధామే ఈ పుస్తకమంటున్నారు. ఒక్కో అధ్యాయంలో ఒక్కో అంశం గురించి వివరించారట.