బాలకృష్ణ మాట్లాడితే ఇలా..: రోజా డైలాగ్, నవ్వేశారు

హైదరాబాద్: హీరో, హిందూపురం శాసన సభ్యుడు నందమూరి బాలకృష్ణపై వైయస్సార్ కాంగ్రెసు పార్టీ మహిళా శాసన సభ్యురాలు రోజా సెటైర్లు వేశారట. ఆ రోజుల్లో మా నాన్నగారు.. అంటూ ఆమె మీడియా ముందు బాలకృష్ణను అనుకరిస్తూ నవ్వేశారు. తామిద్దరం ఆరు సినిమాలలో నటించామని రోజా ఈ సందర్భంగా ఆన్నారు.

బాలకృష్ణ సినిమా స్టైల్లో అసెంబ్లీలో మాట్లాడితే ఎలా ఉంటుందనే విషయం మీడియాతో అసెంబ్లీ ప్రాంగణంలో పైవిధంగా చెప్పారు. ఆ రోజుల్లో మా నాన్నగారు.. అంటూ మాట్లాడారు. అంతటితో ఆమె ఆపేశారు. దీంతో విలేకరులో మాట్లాడాలని కోరారు.

ఆ రోజుల్లో నాన్నగారు భైరవద్వీపం సినిమాకు డైరక్షన్ చేస్తే మేమూ రోజా నటించాం.. అంటూ చేతులు తిప్పుతూ బాలయ్యలా హావభావాలు ప్రదర్శించారు. దీంతో, అక్కడున్నవారందరూ చిరునవ్వులు చిందించారు. మరోవైపు, ఆంధ్రప్రదేశ్ అసెంబ్లీ బుధవారానికి వాయిదా పడింది.