మరోకరితో నిశ్చితార్దం: ఆత్మహాత్య చేసుకున్న ప్రియుడు
హైదరాబాద్: ప్రేమ విఫలమై ఓ యువకుడు ఆత్మహాత్య చేసుకున్న సంఘటన రాయదుర్గం పోలీస్ స్టేషన్ పరిధిలో చోటు చేసుకుంది. విశాఖపట్నం భీమునిపట్నానికి చెందిన చెల్లా సందీప్ కుమార్ (29) మణికొండలోని త్రివేణి క్లాసిక్ అపార్ట్ మెంట్లో ఉంటున్న అన్న ప్రవీణ్ కుమార్ వద్ద ఉంటున్నాడు.
ప్రైవేటు ఉద్యోగం చేస్తున్న సందీప్ కుమార్ గత రెండు సంవత్సరాలుగా ఓ యువతితో ప్రేమ వ్యవహారం కొనసాగిస్తున్నాడు. నెల రోజుల క్రితం ఆ యువతికి మరోకరితో నిశ్చితార్దం జరిగింది. మరో రెండు రోజుల్లో వివాహం జరగుతుండటంతో... తీవ్ర నిరాశకు గురై, సోమవారం మధ్యాన్నం భోజనం చేసిన తర్వాత బెడ్రూమ్లోకి వెళ్లిపోయాడు.
సాయంత్రం వరకు బయటకు రాకపోవడంతో అతడి అన్న బెడ్ రూం తలుపులు పగలగొట్టి చూడగా ఉరి వేసుకోని కనిపించాడు. అన్న ఫిర్యాదు మేరకు సమాచారం అందుకున్న పోలీసులు సందీప్ కుమార్ మృతదేహాన్ని పోస్టుమార్టం నిమిత్తం ఉస్మానియాకు తరలించి కేసు నమోదు చేసుకున్నారు. సందీప్ మొబైల్ను పోలీసులు స్వాధీనం చేసుకున్నారు.