వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts
Oneindia App Download

మీ ఇంటి నిర్మాణమా: నన్నపనేనితో సిఆర్ వాగ్వివాదం

By Pratap
|
Google Oneindia TeluguNews

హైదరాబాద్: ఆంధ్రప్రదేశ్ రాజధాని విషయంలో శాసనమండలిలో తెలుగుదేశం సభ్యురాలు నన్నపనేని రాజకుమారి, కాంగ్రెసు సభ్యుడు సి. రామచంద్రయ్య మధ్య వాగ్వివాదం చోటు చేసుకుంది. ఎపి రాజధాని విషయంలో సోమవారం చర్చ సందర్భంగా ఇరువురి మధ్య ఘాటుగా మాటల యుద్ధం జరిగింది. రాజధాని ఏర్పాటు విషయాన్ని సభలో చర్చించుకుండా మంత్రివర్గ సమావేశంలో చర్చించి, నిర్ణయం తీసుకోవడాన్ని సి. రామచంద్రయ్య తప్పు పట్టారు.

రాష్ట్ర విభజన అంశంపై కూడా మంత్రివర్గ సమావేశంలోనే చర్చించారని నన్నపనేని రాజకుమారి అన్నారు. రాష్ట్ర విభజన జరిగినప్పుడు ఎపి రాజధాని ఎక్కడనే విషయం చెప్పలేదని ఆమె గుర్తు చేశారు. రాజధాని ఏర్పాటు అనే విషయం మీ ఇంటి నిర్మాణమా, ఇటువంటి సున్నితమైన అంశంపై సభలో చర్చించరా అని రామచంద్రయ్య అడిగారు.

War of words between Nannapaneni and CR on AP capital

ఇరువురి మధ్య వాగ్వివాదం చెలరేగినప్పుడు ఆర్థిక మంత్రి యనమల రామకృష్ణుడు జోక్యం చేసుకున్నారు. రాజధాని ఏర్పాటుపై ఇంత రాద్ధాంతం ఎందుకని ఆయన అడిగారు. రాజధాని ఏర్పాటుపై జరిగే చర్చకు ముఖ్యమంత్రి నారా చంద్రబాబు నాయుడు సమాధానం ఇస్తారని ఆయన చెప్పారు. పూర్తిగా కసరత్తు చేసిన తర్వాతనే రాజధాని ఏర్పాటు ముఖ్యమంత్రి ప్రకటన చేస్తారని ఆయన చెప్పారు.

యనమల రామకృష్ణుడు వ్యాఖ్యలను రామచంద్రయ్య తప్పు పట్టారు. విజయవాడకు సమీపంలోనే రాజధానిని ఏర్పాటు చేయాలని ముఖ్యమంత్రి నారా చంద్రబాబు నాయుడు సోమవారం జరిగిన మంత్రివర్గ సమావేశంలో నిర్ణయం తీసుకున్నారు. ఈ విషయంపై మంగళవారంనాడు ప్రకటన చేయాలని అనుకున్నారు. కానీ, మంచిరోజు కాకపోవడంతో వెనక్కి తగ్గారు.

English summary
War of words took place between Telugudesam MLC Nannapaneni Rajakumari and Congress MLC C Ramachandraiah on AP capital issue in Andhra Pradesh legislative council.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X