బ్యూనస్ఎయిర్స్: తనను అన్యాయంగా దొంగతనం కేసులో ఇరికించాడని అర్జెంటీనా మాజీ ఫుట్బాల్ దిగ్గజం డిగో మారడోనా మాజీ ప్రేయసి రోకియో ఒలివియా పేర్కొంది. తన బంగారు ఆభరణాలను మాజీ ప్రేయసి రోకియో ఓలివియా దొంగతనం చేసిందని డిగో మారడోనా ఆరోపణలు చేయడంతో పోలీసులు ఆమెను అరెస్ట్ చేసిన విషయం తెలిసిందే.
కాగా, రోకియో ఒలివియా శుక్రవారం బెయిల్పై జైలు నుంచి విడుదలైంది. అనంతరం ఆమె మీడియాతో మాట్లాడారు. తాను డిగో మారడోనాకు సంబంధించిన బంగారు ఆభరణాలను దోచుకెళ్లలేదని స్పష్టం చేసింది. తనను కావాలనే మారడోనా ఇరికించాడని చెప్పింది. తాను అతని వద్ద ఎలాంటి వస్తువులను దొంగలించలేదని తెలిపింది.
తనను కావాలనే మారోడోనా ఇరికిస్తున్నాడని రోకియో కన్నీటి పర్యాంతమైంది. ఆ దొంగతనంతో తనకు ఎలాంటి సంబంధం లేదని తెలిపింది. శుక్రవారం రోకియోను విచారించిన బ్యూనస్ ఎయిర్స్ కోర్టు ఆమెకు నిబంధనలతో కూడిన బెయిల్ మంజూరు చేసింది.
తన ఇంట్లోని బంగారు ఆభరణాలతోపాటు విలువైన వస్తువులను రోకియో దోచుకెళ్లిందని మారడోనా ఆరోపించడంతో ఆమెకు దుబాయ్ పోలీసులు అరెస్ట్ వారెంట్ జారీ చేశారు. దీంతో గత బుధవారం బ్యూనస్ ఎయిర్స్లోని ఎజిజ ఎయిర్పోర్టుకు చేరుకున్న రోకియో ఒలివియాను పోలీసులు అరెస్ట్ చేశారు.