విద్యార్థుల మృతికి ఆటా సంతాపం

అమెరికాలోని మిస్సోరీలో జరిగిన రోడ్డు ప్రమాదంలో నలుగురు తెలుగు విద్యార్థులు మరణించడం పట్ల అమెరికా తెలుగు సంఘం ఆటా తీవ్ర విచారం వ్యక్తం చేసింది. మృతులు స్రుపేన్ రెడ్డి, శ్రీహర్ష చిట్టూరి, ధీరజ్ గుడ్లవార్, శ్రీకాంత్ రవి అయ్యర్ కుటుంబ సభ్యులు ఆటా ప్రగాఢ సానుభూతిని తెలిపింది. ఆటా అధ్యక్షుడు రాజేందర్ జిన్నా స్రుపేన్ రెడ్డి కుటుంబ సభ్యులతో మాట్లాడి అధికారులను సంప్రదించాల్సిన తీరును వివరించారు. ఎవరిని సంప్రదించాలనే విషయాన్ని తెలిపారు.

విద్యార్థుల మృతదేహాలను స్వదేశానికి పంపడానికి ఎయిర్‌లైన్స్, ఇండియన్ ఎంబసీ, ఇతర కార్యాలయాలను సంప్రదించినట్లు ఆటా అధ్యక్షుడు చెప్పారు. విద్యార్థుల మృతదేహాలు ఒసేజ్ బీచ్‌లోని హెడ్జెస్ స్కాట్ ఫ్యునెరల్ హోమ్‌లో ఉన్నాయని తెలిపారు. ఇకా ఏమైనా అవసరం అయితే తమను సంప్రదించాలని ఆయన కోరారు. జెఫర్సన్ సిటీ ట్రూపర్ పోలీసు నెంబర్ (573) 751-1000