మాజీ ప్రియురాలి భర్త చెవి కొరికి జైలు పాలయ్యాడు
అంతేగాక అతనికి 500 న్యూజిలాండ్ డాలర్లను జరిమానాగా విధించింది. అక్లాండ్లోని తన మాజీ ప్రియురాలి ఇంటికి వెళ్లి తలుపులను పగులగొట్టినందుకు ఈ జరిమానా విధించినట్లు తెలిపింది.
తన మాజీ ప్రియురాలు వికాష్ని అశారి తన భర్త రితేష్ రామ్తో పాటు నిద్రిస్తున్న సమయంలో వారింటికి వెళ్లాడు అనీష్ రావు. ఆ తర్వాత వెంటనే రితేష్పై దాడికి యత్నించిన అనీష్.. అతని ఎడమ చెవిని కొరికేశాడు. ఆ తర్వాత తన మాజీ ప్రియురాలు అశారి ముఖంపై పిడిగుద్దులు గుద్దాడు. వెంటనే అక్కడ్నుంచి పరారయ్యాడు.
రామ్ ఎడమ చెవి భాగం రావు కొరకడంతో కొంత భాగం కిందపడిపోయింది. హుటాహుటిన ఆస్పత్రికి వెళ్లినప్పటికీ ఆ భాగాన్ని చెవికి తిరిగి అంటించలేమని వైద్యులు చెప్పారు. రామ్ ఫిర్యాదు మేరకు గాలింపు చర్యలు చేపట్టిన పోలీసులు అనీష్ రావును అరెస్ట్ చేశారు.
రావు వేధింపులు భరించలేకనే అతడ్ని వికాష్ని వదిలిపెట్టిందని న్యాయవాది తెలిపారు. అయినప్పటికీ వెంటపడి ఆమెను వేధిస్తున్నాడని, అసభ్యకరమైన సందేశాలు పంపిస్తున్నాడని చెప్పారు. ఇప్పటికే మూడు సార్లు అశారి-రామ్ ఇంట్లోకి ప్రవేశించేందుకు అనీష్ ప్రయత్నించాడని తెలిపారు.