Don't Miss!
- News రాహుల్ సహా నేడు తమ అదృష్టాన్ని పరీక్షించుకుంటోన్న కీలక నేతలు వీరే..
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఫ్లాఫ్ అని రవిబాబుతో ముఖం మీదే అన్నారా?
హైదరాబాద్: ప్రతి సినిమా అన్ని వర్గాలకు నచ్చాలనే ఆలోచనలో ప్రస్తుతం సినీ జనాలున్నారు. అందరికీ నచ్చే సినిమా చేయాలంటే గతంలో వచ్చిన వాటినే మార్పులు చేసి తీయాలి. అప్పుడు అది కాపీ అవుతుంది. అలా కాకుండా వైవిధ్యంగా ఆలోచిస్తేనే కొత్తదనం కనిపిస్తుంది. నేను అలాగే ఆలోచించి ఈ 'లడ్డుబాబు' సినిమా చేశాను అన్నారు రవిబాబు. ఎందుకింతలా రవిబాబు సినీ జనాల పై ఆవేశపడ్డాడు అంటే ఆయనతో మీ చిత్రం బాగోలుద... ఫ్లాఫ్ అని ముఖం మీదే ఎవరన్నా అన్నారేమో అంటున్నారు కొందరు ఫిల్మ్ నగర్ వాసులు. రవిబాబు నుంచి వచ్చిన చిత్రం 'లడ్డుబాబు'. ఈ చిత్రం ఇటీవల ప్రేక్షకుల ముందుకొచ్చింది. ఈ సందర్భంగా రవిబాబు హైదరాబాద్లో మీడియాతో మాట్లాడారు.
అలాగే రవిబాబు తను ఎందుకు కామెడీ సినిమాగా దీన్ని తీయలేదో చెప్తూ... హీరోని భారీకాయుడిగా చూపించి వినోదాత్మకమైన చిత్రం తీస్తారనుకున్నాం.. కానీ ఇలా భావోద్వేగభరిత సినిమా ఎందుకు తీశారు అని కొందరు అడుగుతున్నారు. నేను నరేష్తో సినిమా చేయాలి అనుకోగానే నాకు రెండు ఆలోచనలు వచ్చాయి. ఒకటి నరేష్తో సాధారణమైన వినోదాత్మకమైన సినిమా చేయకూడదని. రెండు ఈ చిత్రం కుటుంబ ప్రేక్షకులు, పిల్లలకు చేరాలని. అందుకే ఇలాంటి సినిమా చేశా అన్నారు. నా గత సినిమాలు చూసి ఈ సినిమాని అంచనా వెయ్యొద్దు. తాజా ఆలోచనలతో రండి.. సినిమా చూసి ఆనందించండి అని చెప్పారు.
ఇక 'అల్లరి'తో ప్రేక్షకులకు పరిచయమైన నరేష్ని 'లడ్డుబాబు'గా మార్చాను. ప్రచార చిత్రాలు చూసి కొందరు నరేష్ ఏంటి ఇలా ఉన్నాడు అనుకున్నారు. ఇప్పుడు మాత్రం ఎందుకు అలా చేశామో అర్థం చేసుకుంటున్నారు. ఇది ఓ బరువైన కథ. తండ్రీ- కొడుకు, తల్లి-బిడ్డ, స్నేహబంధం... ఇలా అనేక అంశాల్ని సినిమాలో చూపించాం. దానికి వినోదం కూడా జోడించాం. దీన్ని ప్రేక్షకులు ఇష్టపడుతున్నారు. 'లడ్డుబాబు' కథను నరేష్ కోసం రాసుకోలేదు. 'లావు మనిషి' అంటూ చాలా కాలం క్రితమే రాసుకున్నాను. దీనికి నరేష్ అయితే బాగుంటాడు అని ఆయన్ని పెట్టుకున్నాం అన్నారు.